Itafaqan tumhary milnay ko,
zindagi ka hasool kehta hoon
Kisi kay ik tabasum par asasay zindgi rakh li,
shararon ko nasheman ka nigehban kar lia main ne Saghar Siddiqui
Kitni benam umeedon kay diye pichly pehr,
ham nay darya main bahaye hain tumhary khatir
Kuch patangay charagh ki lo par,
kitnay be ikhtyar jaltay hain
Meri nigah shoq se har gul hy dewta,
main ishq ka khuda hun muj yad kijye
Mohabat kay mazaron tak chalen gay,
zara pee lain sitaron tak chalen gay
Muj gardish e falak se nahi ahtajaj koi,
kay mata e jan o dil hy teri zulf ke hawaly
Suna he ye bhi rasm e aashiqi hy,
ham apnay gham gusaron tak chalen gay